РЕЦЕПТ НА ДЕНОТ: Највкусни празнични колачи (1)

Во текот на цела оваа седмица, ќе ви понудиме рецепти за најубавите и највкусни празнични колачиња, кои едноставно и брзо се подготвуваат. Денешниот десерт се декоративни колачиња кои со својот изглед ја красат секоја празнична трпеза.

Потребно:

  • 250гр брашно
  • 75гр шеќер
  • 150гр путер
  • 80гр мелени бадеми
  • 1 јајце
  • Малку сол
  • 50гр џем од кајсии
  • 1 лажичка рум

Подготовка: Измешајте ги брашното, шеќерот, путерот, мелените бадеми, јајцето, солта и замесете тесто. Ставете го во фолија и оставете да се олади во фрижидер еден час. Рерната загрејте ја на 180 степени. Развлечете тесто на работната површина со дебелина од 4-5мм, па со модла извадете 60 форми. На половината од нив со помала модла извадете ѕвездички. Наредете ги колачињата во тавче обложено со хартија за печење и печете ги 12 минути, па оставете да се оладат. Спојте ги со џем, по две колачиња (полно и шупливо) и наросете ги со шеќер во прав.

ПОВРЗАНИ НАПИСИПОВЕЌЕ ОД АВТОРОТ