Потребно:
- 1 шолја ориз
- Малку сол
- 5 шолји млеко
- ½ шолја шеќер
- 1 лажица сок од портокал
- 1 јаболко
- Мелен цимет
- ½ лажица мед
Подготовка: Во тенџере ставете го оризот и солта со 1 ½ шолја вода. Кога ќе почне да врие, намалете ја температурата, делумно поклопете и варете додека не се впие речиси цела вода, од 6 до 8 минути. Додадете го млекото и продолжете да варите со повремено мешање, додека оризот целосно не омекне, а млекото не се згусне. Додадете го шеќерот и сокот од портокал, па продолжете со варење за шеќерот да се стопи. Оставете малку да се олади. Пред сервирање наросете со цимет, украсете со парченца јаболка и ставете по малку мед. Добар апетит!
