РЕЦЕПТ НА ДЕНОТ: Паштета од леблебија

Домашните паштети се вистинска ризница на витамини и бројни други корисни состојки за детскиот организам. Паштетата од леблебија можете да ја направите брзо и лесно, а оваа житарка претставува одлична замена за месо, богата е со билни влакна кои го поттикнуваат варењето, а воедно го штити срцето, ги јакне коските и обезбедува доволно количина на железо во организмот.

Потребно:

  • Една шолја сварена леблебија (250мл)*
  • Едно чешне лук
  • Три-четири лажици маслиново масло
  • Половина лаж7ичка сечан магдонос (ако користите свеж, 2-3 гранчиња)
  • Сол и бибер по вкус
  • Вода, ако е потребно (најдобро таа од варената леблебија)

Подготовка:

Сите состојки ставете ги во блендер и матете додека не добиете компактна маса. Ако смесата е премногу густа, додадете малку вода во која леблебијата се варела. Подготвената паштета можете да ја чувате неколку дена во затворена тегличка во фрижидер.

Варење на леблебијата: Потоете ја суровата леблебија во вода и нека отстои преку ноќ (12-15 часа). Колку подолго стои во вода, толку времето на варење ќе биде пократко. Откако отстојала, префрлете ја леблебијата во тенџере, додадете вода и варете час и половина до два часа.

ПОВРЗАНИ НАПИСИПОВЕЌЕ ОД АВТОРОТ