Потребно:
- 600гр пилешко бело месо
- 8 големи тортиљи
- 2 лажици маслиново масло
- 2 црвени пиперки
- 1 кромид
- 300гр пченка
- Сол, црн бибер и чили
- 200гр рендан кашкавал
За сосот:
- 2 лажици маслиново масло
- 2 лажици брашно
- 400мл зеленчуков бујон
- 100мл доматен сос
- 2 лажички мелена црвена пиперка
- 1 лажичка лук во прав
- ½ лажичка оригано
- Сол
Подготовка: Прво подгответе го сосот. Загрејте го бујонот. Во мало тавче загрејте го маслото со брашното и мешајте две минути додека не пожолти, а потоа додадете ја мелената пиперка, ориганото и лукот и почекајте уште една минута. Потоа полека додавајте од бујонот со постојано мешање. Додадете го доматниот сос, солта и оставете сосот да се крчка 10 минути. Кромидот ситно исчекајте го. Пиперките исечете ги на коцки, а истото направете го со пилешкото месо. Се заедно динствувајте 10 минути, со додавање на зачините, а потоа во смесата додадете ја и пченката. На умерена температура оставете да се готви околу 10 минути, додека пилешкото не биде готово. Тавчето за печење премачкајте го со масло. На секоја тортиља ставете по една-две лажици од сосот, потоа смесата со пилешко и малку рендан кашкавал, па свитакјте ја тортиљата и ставете ја во тавчето. Постапката продолжете ја со сите преостанати тортиљи. Остатокот од сосот прелијте го врз тортиљите, како и ренданиот кашкавал. Печете 20 минути во загреана рерна на 180 степени. Добар апетит!
