РЕЦЕПТ НА ДЕНОТ: Пикантна салата со пилешко месо

Салата со пилешко бело месо и чили која ќе ве воодушеви и ќе ги задоволи сите префинети вкусови во еден оброк.

Потребно:

  • 250гр пилешко бело месо
  • 3 домати
  • 1 пиперка
  • ½ црвен кромид
  • 1 лажичка доматно пире
  • ½ лажичка чили во прав
  • Малку рендан кашкавал
  • Маслиново масло
  • Зелена салата

За преливот:

  • 2 лажици маслиново масло
  • 1 лажица оцет балсамико
  • 1 лажица сенф
  • Сол
  • Црн бибер

Подготовка: Месото исечете го на парченца. Посолете го и испржете го на масло со ситно исечканиот кромид. Доволно е околу 5 минути. Потоа додадете малку вода, 150мл, па доматното пире и чилито и оставете полека да се динствува околу 5 минути. Доматите и пиперката исечете ги на тенки парчиња и ставате ги во подлабок сад. Потоа ставете ја исечканата зелена салата. Измешајте ги сите состојки за преливот и прелијте врз салатата, додадете го ренданиот кашкавал и убаво измепајте. На крајот одозгора ставете го месото заедно со сосот од динствувањето. На крајот може да наросите уште малку рендан кашкавал. Добар апетит!