РЕЦЕПТ НА ДЕНОТ: Пилешко со сос од мед и сенф

Интересна пролетна комбинација која ќе ги разбуди вашите гурмански сетила. Благодарение на сосот од мед и сенф, класичното пилешко месо ќе стане превкусно.

Потребно:

  • 4 пилешки копани со каракопан
  • 2 лажици маслиново масло
  • 2 лажици сенф
  • 2 лажици мед
  • Сол
  • Црн пипер

Подготовка: Загрејте ја грил тавата или скарата. Во сад измешајте го  маслиновото масло, сенфот и медот. Додадете сол и бибер по вкус. Посолете ги и побиберете ги копаните. Ставете ги на грил тавчето и печете околу 6 минути од секоја страна. Пред сервирање, прелијте ги со сосот од мед и сенф. Добар апетит!