Потребно:
- 1 поголема брокула
- 1 помал компир
- 2 млади кромида
- 2 јајца
- 1 чаша (од 200мл) овесни снегулки
- Моцарела
- Брашно
- Сол
- Црн бибер
- Свеж магдонос
- Масло за пржење
Подготовка: Брокулата кратко варете ја, исцедете ја и оставете да се олади. Компирот исечете го на кругови и сварете го во солена вода. Кога ќе биде готов, исцедете ја водата и додадете ја брокулата, па изгмечете со вилушка. Младиот кромид и магдоносот ситно исечкајте ги и заедно до јајцата и овесните снегулки додадете ги во мешавината од брокула и компир, па се убаво измешајте и соединете. На крајот додадете сол и црн бибер, уште малку промешајте, па направете плескавици. Парчињата моцарела втиснете ги во плескавиците, да не се гледаат, уште малку обликувајте, па валкајте ги во брашно и пржете ги на загреано масло од двете страни. Пржените плескавици ставете ги кујнска хартија. Послужете ги топли. Добар апетит!
