Потребно:
- 300гр варен грашок
- 100гр варена пченка
- 100гр рендан пармезан
- 1 помал кромид
- 1 јајце
- 100гр презла
- Неколку гранчиња свеж магдонос
- Сол
- Црн бибер
- Зачини по желба
Подготовка: Во блендер ставете го грашокот, пченката, кромидот исечен на четвртинки, магдоносот и јајцето. Иситенете ги состојките. Смесата ставете ја во сад, додадете сол, бибер и останати зачини по желба. Додадете го пармезанот и се убаво соединете. Постепено, со мешање во смесата додавајте ја презлата, се додека не видите дека смесата е компактна и дека може да се формира со раце. Рацете намокрете ги малку со вода, со лажица земете од смесата формирајте прво топче, а потоа со сланките притиснете. Направените плескавици ставете ги во чинија. Во длабок сад ставете околу 4 лажици зејтин. Загрејте го на средна температура, па ставете ги плескавиците и од двете страни пржете ги неколку минути додека не се создаде коричка. Добар апетит!
