РЕЦЕПТ НА ДЕНОТ: Појадок што децата ќе го обожаваат

Постојат многу предлози за брзи и вкусни појадоци, но со оглед дека децата во овој период се на зимски распуст, сигурни сме дека уште еден предлог за вкусен и брз појадок нема да биде на одмет. Децата ќе бидат пресреќни ако ви кажеме дека се во прашање палачинки и јагоди.

Потребно:

  • 5-6 замрзнати јагоди
  • 1 јајце
  • 1 мала шолја млеко
  • 3 лажици брашно (по ваш избор)
  • 1 банана

Подготовка: Јагодите оставете ги малку да се одмрзнат, а потоа изгмечете ги со вилушка. Ако сакате побрзо, може на неколку секунди и да ги изблендирате. Потоа во нив додадете ги сите останати состојки и бананата што претходно сте ја изгмечиле. Се заедно соединете додека не добиете убава смеса за палачинки. Со лажица ставајте по неколку палачинки во тавчето, печете ги по 1-2 минути од двете страни и палачинките се готови.

ПОВРЗАНИ НАПИСИПОВЕЌЕ ОД АВТОРОТ