РЕЦЕПТ НА ДЕНОТ: Протеински беби ручек

Модриот патлиџан изобилува со витамини, како А, Б1, Б3, Б6, Б9, Ц и К, но и со минерали како калциум, фосфор и магнезиум. Содржи и значајна количина на влакна, што го олеснува запекот кај бебето.

Потребно:

  • 1 модар патлиџан
  • 50гр мисиркино месо
  • 1 морков
  • ½ компир
  • Маслиново масло

Подготовка: Модриот патлиџан излупете го и исечкајте го на мали коцки. Ставете го да се вари на пареа додека убаво не омекне. Во друг сад, ставете го мисиркиното месо со морковот да се вари, а 10 минути пред крај додадете го и компирот. Кога се ќе биде сварено, истурете ја вода, додадете го модриот патлиџан и капнете малку маслиново масло. Се заедно измиксирајте.