Потребно:
- Кајсии (количина по желба)
- 4 јајца
- 150гр мелени бадеми
- 100гр брашно
- 100гр путер
- 100гр шеќер
- 2 прашок за печиво
- Малку лебни трошки за тавата
Подготовка: Измијте ги кајсиите, извадете ги семките и исечкајте ги на помали парчиња. Тавата за печење намачкајте ја со путер и посипете ја со лебни трошки.
Путерот истопете го на тивок оган. Во одвоен сад измешајте го брашното, прашокот за печиво и бадемите. Во друг сад 5 минути со миксер изматете ги јајцата со шеќерот. Разладениот путер, но да биде млак, полека додадете го во смесата со јајцата и шеќерот. Потоа полека додадете ги сувите измешани состојки. Смесата исипете ја во тавата и одозгора наредете ги исечканите кајсии. Ставете го колачот да се пече во загреана рерна на 180 стеени, околу 30 минути. Колачот е готов кога ќе се одвои од рабовите на тавата и поприми златножолта боја.
