РЕЦЕПТ НА ДЕНОТ: Солени палачинки од тиквици

Палачинките ќе биде готови за “една минута“, а децата сигурно ќе бараат репете. Овој рецепт е многу едноставен, а палачинките може да ги мачкате со намази од сирење или пак да ги јадете со јогурт. Ако сакате поздрава варијанта, белото брашно може да го комбинирате со интегрално или со брашно од елда.

Потребно:

  • 2 тиквици
  • 200гр брашно
  • 1 прашок за печиво
  • 150мл јогурт
  • 150мл кисела вода
  • 2 јајца
  • Малку сол
  • Масло за пржење

Подготовка: Изрендајте ги тиквиците, посолете ги и оставете да отстојат 20 минути, а потоа убаво исцедете ги. Во друг сад измешајте го брашното, солта и прашокот за печиво. Посебно изматете ги јајцата, јогуртот и киселата вода. Тиквиците додадете ги во мокрите состојки. Додека мешате полека додавајте ги сувите состојки. Кога смесата е соединета, загрејте масло во тавчето за палачинки и печете ги од двете страну додека не заруменат. Притоа, температурата веднаш намалете ја, бидејќи овие палачинки се подебели од стандардните, па им треба повеќе време да се испечат.Добар апетит!