Потребно:
- 900 – 1300гр говедска коска (по желба може и пилешки или мисиркин грб)
- ¾ ситни тестенини или житарки (просо, елда, киноа, интегрален ориз)
- 2 изматени белки
- 2 лажици свежо исечкан магдонос
- Сол и бибер
- 3-4 лажици оцет или половина цеден лимон
Подготовка: Во 4 литри вода додадете го оцетот или лимонот, варете ги коските во отворено тенџере околу 2 часа. Процедете ја супата и остранете ја маста која се надобрала на површината од течноста. Одвојте го месото од коската, ако сте користеле таков тип на коски. Вратете го месото во водата (бујонот) и додадете ги тестенините или житарките. Оставете супата да проврие и да се вари уште 10 минути. Тргнете ја од оган, и во неа веднаш додадете ги белките со постојано мешање. Во супата додадете го свежиот магдонос и послужете.
