Потребно:
- Еден помал морков
- Еден компир со средна големина
- Еден до два цвета карфиол
- Коцка телешко месо (околу 40-50 гр)
- Една до две лажици гриз
Подготовка:
Компирот и морковот исечете ги на коцки и додадете го парчето месо (може да се исече и на потенки листови), налејте малку вода во тенџерето, колку да ги покрие состојките.
Поклопете и оставете да се вари на тивок оган, бидејќи на тој начин се задржуваат хранливите состојки. Кога месото е сварено, додадете го карфиолот и гризот (количината на гриз зависи од количината на вода што ја има во тенџерето) и оставете да се вари уште неколку минути колку да се свари гризот. Тргнете го садот од оган и оставете да се олади. За повозрасните бебиња и деца, може да се додаде и сол и само да се изгмечи, додека за бебињата треба само да се измиксира.
