РЕЦЕПТ НА ДЕНОТ: Царски ручек

Предлог за брз и едноставен оброк во кој ќе ужива целото семејство.

Потребно:

За 4 лица

  • 250гр мелено месо
  • 450гр мешавина од смрзнат или свеж зеленчук (брокула, карфиол и морков)
  • 1 кромид
  • 3 јајца
  • Зачини по желба
  • 200мл павлака за готвење
  • Моцарела

Подготовка: Издинствувајте го меленото месо со кромидот и зачините. Мешавината од зеленчук само проварете ја и исцедете ја. По желба може да додадете и друг зеленчук, како тиквички. Месото и зеленчукот ставете ги во огноотпорен сад и прелијте ги со мешавината од јајца и павлака. На крајот додадете моцарела исечена на кругови. Ставете да се пече 20 минути на 220 степени. Послужете со сезонска салата. Добар апетит!