Потребно:
- 50гр мелени бадеми
- 280 гр брашно
- 20 гр пченкарно брашно
- 100 гр маргарин
- 50 гр шеќер во прав
И уште:
- 100 гр џем од кајсии
- Шеќер во прав за посипување
Подготовка: Во сад се става просеаното брашно, па се додава пченкарното брашно, мелените бадеми, шеќерот во прав. Додадете го омекнатиот маргарин, па соединете ги состојките. Замесете тесто и оставете го да отстои околу 10 минути. Работната површина посипете ја со брашно, замесете, со сукало развлечете го тестото, па ставете го во фрижидер 5-10 минути. По потреба повторно расукајте го тестото, па со модла втиснете ја формата. Наредете го обликуваното тесто на хартија за печење на плех, а потоа соберете го остатокот од тестото, премесете, расукајте го со сукало и повторете ја постапката. Печете на 180°C околу 7-8 минути додека не поруменат. Малку загрејте го џемот, па со помош на лажица нанесете на половина од печените форми. Покријте со останатите печени форми. На крајот наросете ги, или извалкајте ги во шеќер во прав. Добар апетит!
