Потребно:
- 5 јајца
- 120 гр шеќер
- 100 мл масло
- 200 мл јогурт
- 200 гр брашно од спелта
- 1 прашок за печиво
- 150 гр пченичен гриз
- 10 гр шеќер во прав
Подготовка: Изматете цврст снег од петте белки. Од петте жолчки и 120 гр шеќер изматете крем, па додајте масло и јогурт додека не се соединат. Во кремот од жолчки додадете го брашното и прашокот за печиво и измешајте. Потоа во смесата додадете ги изматените белки и гризот и убаво соединете. Тавчето за печење намастете го и набрашнете го од сите страни. Ставете ја смесата во него и рамномерно распоредете ја. Овошјето што сте го избрале за овој десерт распоредете го по целата површина на колачот и ставете го да се пече во рерна загреана на 180°C, 45 минути. Кога колачот ќе се излади, исечете го на коцки и наросте го со шеќер во прав. Добар апетит!
