РЕЦЕПТ НА ДЕНОТ: Здрави зеленчукови плескавици

Зеленчукот и не е многу омилен дел од менито на децата, но кога ќе се подготви на ваков начин, може да стане оброк што постојано ќе бараат да им го подготвите. пробајте го овој рецепт и проверете!

Потребно:

  • 1 шолја пченка од конзерва
  • 1 шолја замрзнат грашок
  • 150гр мисиркино месо
  • 2 јајца
  • 1 шолја брашно
  • Масло
  • Сол
  • Бибер
  • Магдонос по желба

Подготовка: Сварете го грашкот. Измијте ја пченката од конзерва и измешајте ја со сварениот грашок. Додадете го иситнетото мисиркино сварено месо, магдоносот, јајцата и брашното и се ставете во блендер. Зачинете со сол и црн бибер. Од смесата формирајте плескавици. Во тавче претходно обложено со хартија за печење редете ги плескавиците. Печете на 200 степени околу 20-25 минути, а за поубав вкус на половина од печењето сврете гии плескавиците за да се испечат поубаво. Сервирајте со сезонска салата или сос што го сакаат децата.