ОДГОВОРИ НА НАЈВАЖНИТЕ ПРАШАЊА: Влијае ли вакцината против КОВИД-19 на промени во менструалниот циклус?

Стручњаците даваат одговори на сите важни прашања околу влијанието на вакцините на менструалниот циклус.

Над 48 милиони лица примиле барем една доза вакцина против коронавирусот во Велика Британија, а делот кој предизвикува загриженост кога се работи за несаканите реакции на вакцината е и оној кој говори за промените во менструалниот циклус.

30.000 жени пријавиле неправилности во менструацијата по примање на вакцината, според шемата на жолта карта на Регулаторната агенција за лекови и здравствени производи, а кои вклучуваат крварење порано од очекуваното (често набрзо по примање на вакцината), дамки, посилни крварења и болни циклуси.

Репродуктивниот имунолог ф-р Викторија Мејл повика не детално истражување на менструалните промени по вакцината против КОВИД-19, особено со цел да се спречат дезинформациите и недовербата.

“ Двоумењето за вакцинација помеѓу младите жени на големо е поттикнато од лажните тврдења дека вакцините против КОВИД-19 може да им наштетат на нивните шанси за идна бременост. Менструалните промени по вакцинирањето најверојатно најверојатно уште повеќе ќе ги поттикнат овие стравови“, вели д-р Мејл во својот стручен осврт на здравствениот портал BMJ.

Но, таа додава дека Регулаторната агенција, по деталниот преглед на извештаите информира дека досегашната ригорозна проценка не поддржува поврзаност помеѓу промената во менструацијата и сродните симптоми и вакцините против КОВИД-19.

Најважни прашања за влијанието на вакцините врз менструалниот циклус, според д -р Мејл.

  • Какви промени во менструалниот циклус пријавиле жените по примањето на вакцината?

Извештаите се прилично разнолики – пообилни или пооскудни менструации, изостанок на месечниот циклус, порано или подоцно доаѓање на циклусот од очекуваното. Токму поради тие варијации, тешко е да се утврди дали тие промени се поврзани со вакцината. Се работи на утврдување на нуспојавите – ако ништо друго, барем да се предупредат луѓето да можат да ги очекуваат тие промени.

  • Треба ли да се загрижиме и кога да се обратиме кај лекар?

Кај жени кои имаат менструален циклус, сосема е нормално одвреме навреме да дојде до неправилен циклус, без оглед на вакцинирањето. Ако циклусите станат нередовни или сте агрижени околу нешто, секако обратете се кај лекар, советува д-р Мејл. Внимавајте и на тоа да ако дојде до крварење во постменопауза, дека тоа може да биде знак за сериозен здрвствен проблем и никако немојте на него да гледате како на несакана реакција од вакцината, туку побарајте помош на време.

  • Треба ли да се загрижат трудниците и жените кои се обидуваат да забременат?

Жените кои се обидуваат да забременат можат да се вакцинираат со било која од одобрените вакцини. Студиите покажаа дека не постои поголема стапка на спонатни абортуси, предвремено породување или вродени абнормалности поврзани со вакцините.

  • Зошто луѓето ги забележуваат овие промени?

За тоа се спроведуваат истражувања – да се утврди дали се тоа вообичаени нуспојави и колку се чести. Ако промените навистина се случуваат, би можело да бидат предизвикани од соодносот на естрогенот и прогестеронот за време на менструланиот циклус. Друга можност е да воспалението во целото тело (истото поради кое може да се чувствувате уморни и да имате температура) влијае на имунолошките клетки во слузницата на матката. Тие клетки го контролираат таложењето и разградувањето на слузницата на матката, па и тоа има влијание на тежината и на времето на крварење.

Д-р Мејл советува да ако забележите било какви несакани реакции од вакцината, задолжително тоа да го пријавите. Сомневањето за несакани реакции се пријавуваат кај матичниот лекар или во пишана форма да ги пријавите во Агенцијата за лекови и медицински средства.