Ризикот од хоспитализација е 64% поголем кај британскиот сој на коронавирус

Резултатот од данската студија е сличен на истражувањето спроведено во почетокот на овој месец во Велика Британија, додаваат од институтот „Серум“

Од 2.155 лица заразени со варијантата B117, 128 биле хоспитализирани, што е за 64 проценти повеќе од заразените со другите варијанти

Луѓето заразени со позаразната варијанта на коронавирус, која за прв пат беше откриена во Велика Британија, имаат поголем ризик од хоспитализација, покажа студијата на данскиот институт „Серум“.

Од 2.155 лица заразени со британската варијанта B117, 128 биле хоспитализирани, што е за 64 проценти повеќе од заразените со другите варијанти, се вели во студијата.

Резултатот од данската студија е сличен на истражувањето спроведено во почетокот на овој месец во Велика Британија, додаваат од Институтот во соопштението.

Варијантата B117 стана доминантна во Данска минатата недела и сочинува скоро две третини од сите нови инфекции, додека на почетокот на годината британската варијанта претставуваше само 5 проценти од сите случаи.