Родители ги споделиле првите зборови на нивните деца, некои ќе ве изненадат!

Многу родители едвај чекаат да ги слушнат првите зборови на своето бебе. Дали тоа ќе биде “мама“ или “тато“? “Баба“? Истражување открило кои се првите зборови на бебињата ширум светот.

Првите зборови на детето се голема пресвртница во животот и возбудливо искуство за целото семејство. Бебињата може да почнат да “мрморат“ помеѓу 8 и 12 недела. Првиот збор во  повеќето случаи се јавува околу детскиот прв роденден, што не значи дека некои деца првиот збор ќе го кажат подоцна или дури порано, под услов да појавата на одредени фрази во детскиот говор следи нормални рамки на развојот.

Најчестите први гласови ги вклучуваат зборовите мама, тато и баба. Направено е истражување за првите зборови што бебињата ги изговориле во 33 различни земји во светот.

Изненадување кај австралиските бебиња

Најпопуларен прв збор на австралиските бебиња бил „џем“. Во повеќето други земји првите зборови главно биле некоја верзија на мама или тато, но Австралија била една од четирите земји кои тргнале по својот пат. Најпопуларен прв збор во Данска бил “здраво“, додека во Израел бил „“кола“, а грчките бебиња најчесто изговарале “yiayiá”, што е грчки термин за „баба“.

Тато или мама?

Најчесто првите зборови изговорени низ светот биле мама и тато. Бебињата во 12 од 33 испитани земји прво го научиле името на мајката, додека седум земји навеле дека прво е изговорено името на тато. Вториот кажан збор често бил другиот родител, освен во Мексико, каде што зборот “вода“ бил втор, а во Словачка “баба“. Зборот “тато“ го зазело третото место во двете земји.

Бизарни први зборови

Истражувањето ги разгледало и и најуникатните први зборови во секоја земја. Во Австралија, зборот “држава“ бил најуникатниот прв изговорен збор. Некои други бизарни одговори биле “гуска“ во Канада и “пантер“ во Шпанија.