На интернет често можете да најдете пораки од загрижени мајки чии деца ненамерно изеле цигари. Некој изел една, а некој целата кутија.
Колку е опасно кога детето ќе изеде цигара?
Ако детето проголтало многу цигари, тогаш постои реална опасност од труење со никотин (моќен невротоксин), дури и смрт.
Симптоми на труење со никотин:
- Мачнина
- Повраќање
- Забрзан пулс
- Промени во крвниот притисок
- Стеснување на зениците
- Грчеви и болки во стомакот
- Нарушување на свеста
- Кома
Лекарите истакнуваат дека колку е помладо детето, толку се поопасни последиците од труењето со никотин (за едногодишно дете само една цигара може да биде фатална).
Колку никотин има во една цигара?
Експертот Василиј Шуров вели дека една цигара содржи до 20 милиграми никотин, односно 8-10 цигари се 160-200 милиграми.
Што да направите ако детето проголта цигара?
Веднаш отидете во болница, по можност директно на токсиколошки оддел. Таму детето ќе ги помине потребните прегледи, ќе му се измие желудникот и ќе се следи неговата состојба. Обидот да се направи миење на желудникот дома може да доведе до уште поголеми компликации, па затоа е подобро да им верувате на експертите.
Превенција
Родителите кои пушат мора да ги чуваат цигарите подалеку од дофат на деца. Не ги оставајте без надзор на отворени полици или маси, дури и на неколку минути. Верувајте, ова е доволно време за љубопитното бебе да посегне по кутија цигари и да проголта парче цигара.
