Првите алергиски реакции кај бебето, може да се појават уште на самиот почеток од воведувањето на цврста храна/ дохрана, при давање на инстант млечни каши со ориз или со пченка.
Во тој случај, неопходно е дадената кашичка да се исклучи од употреба, а на бебето да му се дава комбинација на ориз и мајчино млеко или некое адаптирано хипоалергено млеко, оти во овој случај, велат лекарите, најверојатно алерген е млечната компонента на инстант кашичката.
Доколку се појави алергија на некоја друга храна, односно намирница, таа се исклучува од употреба, во почетокот на некое време, а ако треба, и засекогаш.
Добро е по неколку недели или месеци, да се проба на детето да му се даде таа намирница повторно, во мала количина, и да се следи реакцијата. Во многу случаи, детето може да ја надрасне реакцијата, и алергијата на дадената храна повеќе да не се јавува.
