При самиот крај на бременоста, кога терминот за породување е релативно близу, идните мајки многу често се прашуваат дали нивното бебе ќе подрани и кога е сигурен знак дека треба да појдат во породилиште.
Како психички се подготвуваме за породување, така и телото се подготвува за тој момент. Токму затоа, кај трудницата многу често се јавуваат лажни контракции кои ја подготвуваат матаката за породувањето.
Доколку вие е прва бременост, веројатно ќе се исплашите од овие лажни контракциии ќе помислите дека породувањето започнало. Затоа е важно да ги препознаете.
ЛАЖНИ КОНТРАКЦИИ:
- Стомакот станува тврд, па нагло се опушта
- Не се ритмични и не се интензивираат
- Се јавуваат во подолги временски интервали
- Може да јават и во рана бременост
- Кога ќе ја промените положбата, ќе го отпуштите дишењето или ќе прошетате, тие се намалуваат
ВИСТИНСКИ КОНТРАКЦИИ:
- Стануваст посилни и почести (се јавуваат на пет до десет минути)
- Траат подолго, дури и до една минута
- Не можете нормално да зборувате додека траат
- Почнуваат во горниот дел на стомакот или во карлицата, па чувството се поместува кон предниот дел
- Кога ќе ја промените положбата или се одморите, тие не го менуваат интензитетот
