Ова е се што треба да знаете ако кај детето се јави зголемена телесна температура, нервоза и за ден-два му се појави чуден осип по дланките и табаните, а во устата избијат афти. Болеста е вирусна и се нарекува HAND MOUTH FOOT DISEASE.
- Кои вируси ја предизвикуваат оваа болест?
Предизвикувачи се две групи на вируси: Коксаки (Coxackie) група А и Ентеровирус (тип 71).
Напаѓаат мали деца, обично во првите пет години, но се забележани и многу ретки случаеви на оваа болест и кај возрасните.
- Како се пренесува и колку трае инкубацијата?
Се пренесува со директен контакт со заболено дете кое кашла или се лигави, но и валкани раце, имајќи предвид дека овие вируси се елиминираат преку столицата. Исто така е важно рацете редовно да се мијат, а тоа важи и за родителите, особено по пресоблекувањето пелени и бришење на детското газе. Сите играчки со кои детето било во контакт, треба темелно да се исчистат.
Инкубацијата е кратка – потребно е само неколку дена од влезот на вирусот во организмот до појава на првите симптоми. Затоа “мини епидемиите“ се вообичаени во градинките.
- Како изгледа болно дете?
Почнува со температура, а потоа се јавува болка во грлото од која детето станува нервозно. Потоа се јавува специфичен осип – прво се гледаат црвени точки, па пликови кои не се поголеми од неколку милиметри, кои стануваат дупчиња (улцерации) кои се неколку дена се лупат. Ова понекогаш изгледа грдо, но е безопасно и нема потреба да се мачка со нешто. По седум до десет дена, оваа состојба вообичаено исчезнува и ретко трае подолго.
Осипот секогаш се гледа на рацата и на стапалата, но може да се јави и околу колената и лактовите, како и на задникот и на гениталниот предел на кожата. Слични промени се воочливи и во грлото и во устата, а афтите се чест придружник на оваа болест.
