СОВЕТ ОД ПСИХОЛОГ: Додека трае коронавирусот не изложувајте ги децата на директни извори на информирање

Пандемијата со коронавирусот во светот за многу кратко време внесе немир, срав и неизвесност кај голем број граѓани и ја зголеми комуникацијата на тема здравје, ризик фактори и заштита.

Во услови на изолација, возрасните многу повеќе читаат и слушаат информации за новиот коронавирус и меѓусебно зборуваат на таа тема. Се чувствува вознемиреност, поинакво однесување, кое децата можат да го почувствуваат.

Како и кај возрасните, одредени непредвидливи критични случувања можат да предивикаат потешкотии во регулирањето на емоционалните реакции кај детето.

Кога и родителите се вознемирени со состојбата која се случува и детето потешко ќе се адаптира на новонастанатите околности. Во онаа мера во која родителите отворено се соочуваат со своите чувства и детето поотворено ќе ги манфестира и со самото тоа ќе биде помалку збунето. Психолошка поддршка и совети за тоа како да се однесувате во услови кога не е познато уште колку долго ќе треба да останеме во изолација, и на кој начин да ги заштитиме своите деца, може да се добијат од стручни лица на Клиниката за псохијатрија во Скопје, на телефонскиот број 072 912 676.

  • Разговарајте отворено со детето
  • Не изложувајте го на директни извори на информирање, туку претходно селектирајте ги и потоа соопштете им ги, избегнувајќи лоши детали.
  • Дајте им на децата упатства поврзани со безбедносните мерки
  • Воспоставете секојдневна рутина, бидејќи тоа да децата им пружа чувство на безбедност и сигурност.