Воспоставувањето доверба и искреност со децата е важно за нивниот емоционален развој. За среќа, преку различни техники и навики, можеме да изградиме основа за подлабока поврзаност и меѓусебно почитување. Детскиот психолог, едукатор за за родители, Џејми Блох, открива седум начини на кои таа и како мајка развива почит и доверба со своите деца, а родителите кои ги применуваат можат да ја постигнат истата цел.
Ова се седумте начини кои таа ги наведува:
- Давање слобода на децата да пробуваат нови работи.
- Разговор соодветен за нивната возраст.
- Активно слушање и покажување интерес за она што ги интересира.
- Потврдување и признавање на нивните емоции и сочувствување со нив.
- Комуницирање и објаснување на донесените одлуки.
- Давање простор за автономна, независна и креативна игра.
- Семејно поврзување преку игра која е насочена кон нивните интереси.
„Кога односите што ги имаме дома со децата се градат на взаемно почитување и доверба, се создаваат силни семејни врски. Основите на позитивниот однос меѓу родителите и децата се градат на отворена комуникација, активен процес на решавање конфликти и афирмација на безусловна љубов.Запомнете, не е важно колку вашето дете има години, можете да започнете со овие навики додека е на која било возраст“, заклучува психологот.
