Кога детето ќе наполни три години, повеќето родители ќе заклучат дека им е потешко да се справат со дете во таа фаза отколку со двегодишно дете. Меѓутоа, со текот на времето, секој сфаќа дека родителскиот пат се менува како што растат децата, а секоја возраст има свои предизвици.
Она што е сигурно е дека работите магично не стануваат полесни со тригодишните деца.
Ова се причините зошто животот со тригодишно дете може да изгледа потежок отколку со двегодишно дете:
Двегодишните деца едвај зборуваат – можеби омилен збор им е „не“. Но, кога ќе наполнат три години, нивниот речник е доволно проширен за да развијат подобра способност да преговараат со вас за сè што не им одговара, а да не ја спомнуваме постојаната потреба да зборуваат и зборуваат.
Децата од две години често плачат – вистина, но тригодишните запаѓаат во лоши тантруму кои можат да траат и до 30 минути, а вклучуваат фрлање, удирање, гаѓање со работи и врескање.
Кога имаат две години, најчесто јадат тоа што ќе им дадете – Тригодишните веќе се попребирливи. Наеднаш им пречат семките во лебот или обликот на исечените парчиња јаболко, како и изгледот на јаболкото кое почнало да ја менува бојата по неколку минути.
Децата на две години носат пелени – Повеќето тригодишни деца веќе се научени на извршување нужда во нокшир или во тоалет, па мора да се прилагодите на нивните потреби и да бидете подготвени во секое време.
Двегодишните деца ќе слушаат кога ќе им зборувате со строг глас – Тригодишните, пак, со текот на времето учат да манипулираат.
Двегодишните деца спијат подолго – Кога децата ќе наполнат три години, тие стануваат поактивни и побудни, а на некои од нив повеќе не им е потребно попладневно спиење.
Кога детето има две години, често е повнимателно и понежно – Тригодишните со текот на времето добиваат се повеќе самодоверба, па послободно трчаат, скокаат, се качуваат насекаде.
