СТРАВОВИ КОИ ДОАЃААТ СО ДЕЦАТА: Што пред да добиете дете ви било вообичаено, а сега ви е застрашувачко

Пред да добиете деца за тоа не сте ни размислувале, а сега ви предизвикува страв во коски.

Животот се менува кога ќе добиете деца. Радосните моменти стануваат уште порадосни, но често и стравовите стануваат уште поголеми од што сте можеле да замислите. Многу, секојдневни ситуации стануваат потенцијална закана и ви создаваат грижа. Голем дел од тоа не може да го контролираме и одеднаш ни се чини дека светот е многу пострашно место, од што сме мислеле пред децата.

КУЧИЊА И МАЧКИ

Има родители кои немаат проблем со ова. Дома имаат куче или мачка или се целосно опуштени во нивна близина, па таа енергија им ја пренесуваат и на децата. Сепак, непознатите кучиња и мачки можат да предизвикаат страв кај родителите бидејќи е тешко да се предвидат нивните реакции, но и реакциите на децата.

ВОДНИ ПОВРШИНИ

Секоја отворена водена површина станува потенцијална опасност кога имате деца. Дури и кога децата ќе научат да пливаат, некои родители никако не можат да се опуштат на плажа, а понекогаш дури ни на базен. Излети на плажи, езера, реки или базени за многу родители се поголем стрес отколку одмор.

АВТОМОБИЛИ

Иако животот без автомобил е тешко замислив за родителите, тие одеднаш изгледаат како голема закана за малите деца кои штотуку почнале сами да одат. Децата кои штотуку го развиваат своето чувство за опасност ќе истрчаат на пат или пред автомобил во секунда без страв. Ваквите ситуации, без сомнение, им одземаат неколку години од животот на родителите.

ГУЖВИ

Лесно е да се загуби дете во толпа, дури и во мала. Децата сакаат да талкаат, а момент на невнимание може да ве чини. Родителите, кои можеби претходно сакале да бидат во гужви на концерти или патувања, сега ги избегнуваат секогаш кога можат.