Според ново истражување на Центарот за контрола и превенција на болести, речиси една третина од жените имаат деца помеѓу кои е премала разликата во години. Медицинските стручњаци препорачуваат мајките да чекаат намјалму 18 месеци пред повторно да забременат, што значи дека идеална разлика помеѓу браќата и сестрите е околу две и пол години.
ПОМАЛА РАЗЛИКА: Две години и помалку
Да се има многу мала разлика повеѓу децата, значи да минувате низ бременост во исто време додека имате мало дете, што според истражувањето, го зголемува ризикот од компликации при породувањето, но и ризикот од предвремено породување.
Исто така, може да биде заморно да се внимава и да се грижите за мало дете додека стре бремени, а вашето ниво на калцум и железо поради тоа може да биде многу пониско отколку во првата бременост.
Една од предностите е што вашите деца имаат поголема веројатност да си играат заедно додека се уште мали, иако децата може да покажуваат љубомора и лутина поради новото дете.
СРЕДНА РАЗЛИКА: Две до четири години
Вашето тело ќе има време да се врати во нормала по бременоста, породувањето и раѓањето на детето, а вие и натаму ќе бидете во тек со информациите што се однесуваат на бебето. Можете повторно да ја искористите и опремата за бебе која веќе не му е потребна на вашето прво дете.
Ова е исто така најчестата временска разлика помеѓу децата, така што во вашата околина и двете деца може да имаат пријатели на свои години. Меѓутоа, вашите деца може да бидат ученици пред да почнат заедно да си играат и да минуваат заедничко време.
ПОГОЛЕМА РАЗЛИКА: Над четири години
Можеби ќе морате да ги освежите своите знаења за бебињата, но можете да се фокусирате на новороденчето додека вашето постаро дете ќе биде во градинка или на училиште. Тоа исто значи дека го проширувате времето кога ќе бидете зафатени и уморни со мали деца.
Многу големи разлики – поголеми од пет години, поврзани се со компликации во бременоста и продилни проблеми. Исто така, различните интереси и развојот може да значат дека вашите деца ќе бидат блиски кога малку повеќе ќе пораснат. Вашето помладо дете може да се восхитува на својата постара сестра или брат, а вашето постаро дете може да ужива во својата улога на “заштитник“. Постраите деца може да имаат и повеќе трпение и разбирање, а љубомората веројатно ќе биде помал проблем.
