Ако новиот коронавирус се шири во заедниците, тој може да влезе и во училиштата, изјави вчера Марија Ван Керхов, научник од СЗО.
“Од клучна важност е да го стопираме и ставиме под контрола ширењето на заразата на местата каде работат училиштата“, вели Ван Керхов во одговорот на прашањето дали СЗО препорачува отворање на училиштата во време кога низ цела Европа расте бројот на случаи на заразени.
Училиштата образуваат, но играат и клучна улога во исхраната на децата и нудат социјална интеракција, вели главната научничка на СЗО за коронавирусот.
Во наредните денови се очекува СЗО да издаде упатства и насоки за маските за различни возрасни категории на деца.
Но, шефот на СЗО за кризни состојби, Мајк Рајан предупредува дека маските се само една од методи на спречување на ширење на вирусот и дека тие не се замена за социјалното дистаницрање и намалувањето на бројот на ученици на предвањата и часовите во училиште.
Ван Керхов признава дека науката се уште нема доволно познавања како децата го шират вирусот.
“Истражувањата се прелиминарни и малку се. Познато е дамо дека сите возрасни групи може да се заразат, но дека по правило децата имаат поблаги симптоми“, вели Ван Керхов.
СЗО се надева дека пандемијата со коронавирусот ќе трае помалку од две години.
