УБОД ОД ОСА: Што не смеете да правите и кога веднаш да се јавите на лекар

Зависи дали сте алергични на убодот или не, понекогаш ќе се јави само реакција на местото на убодот, па чувство на болка, а кај некои и чешање на кожата кое ќе трае неколку часа. Во некои случаи, убодот може да предизвика алергиска реакција

Како да се подготвите за уште една закана што ја носи летото – убод од оса?

Летото е пред нас, а тоа значи подолго уживање во природата. Она што може да ви ја расипе забавата се осите и многу непријатните последици од нивните убоди. Убодот може да биде болен, но и да доведе до силна алергиска реакција, па секако најдобро е да ги избегнувате. Еве што советуваат експертите, како да спречите убод, но и како да го третирате доколку го имате.

Доколку отокот се шири низ телото, чувствувате гадење, вртоглавица или не можете да дишете, веднаш побарајте итна помош

КАКО ИЗГЛЕДА УБОДОТ ОД ОСА?

На прв поглед, слично како и другите убоди, ќе се појави црвенило и оток, вели д-р Мајкл Камерон, дерматолог. Може да се појави „дупче“ и нешто што изгледа како да сте боцнати со пенкало во центарот на убодот.

СИМПТОМИ

Зависи дали сте алергични на убодот или не, понекогаш само реакција на местото на убодот, па чувство на болка, а кај некои и чешање на кожата кое ќе трае неколку часа. Во некои случаи, убодот може да предизвика алергиска реакција, при која ќе се појават следните симптоми:

  • отечени усни, јазик, уста и грло
  • забрзано чукање на срцето
  • зголемен крвен притисок
  • отежнато дишење
  • осип
  • дијареја
  • стомачна болка
  • повраќање и гадење

КАКО ДА ЈА ТРЕТИРАТЕ КОЖАТА ПОСЛЕ УБОДОТ ОД ОСА?

Доколку немате алергиска реакција, можете да си помогнете во сопствениот дом, а доктор Камерон советува задолжително да посетите лекар доколку забележите симптоми на алергиска реакција.

Првиот чекор е да го отстраните убодот, но не притискајте го бидејќи може да ослободи уште токсини. Откако ќе го направите ова, измијте го местото со вода и благ сапун и ставете ладни облоги, а можете да користите и лекови против болки. Доколку неколку пати ве касне оса, задолжително веднаш контактирајте лекар.

КОГА Е НЕОПХОДНО ДА ПОБАРАТЕ МЕДИЦИНСКА ПОМОШ?

Секогаш кога станува збор за алергиска реакција, особено ако сте инаку алергични, а осата ве „боцнала“ за прв пат.

„Доколку отокот се шири низ телото, чувствувате гадење, вртоглавица или не можете да дишете, веднаш побарајте итна помош“, вели докторот. Доколку забележите какви било реакции кои ве загрижуваат, не чекајте туку веднаш контактирајте го вашиот лекар.

КАКО ДА ИЗБЕГНЕТЕ УБОД ОД ОСА?

Ако сте на пикник, покријте ја храната бидејќи таа ги привлекува осите. Ако ви се чини дека често ги гледате осите околу куќата, добро разгледајте да не е нивното гнездо некаде во близина. Лекарите советуваат да внимавате каде шетате бидејќи има места каде што често се наоѓаат, во близина на корпи за отпадоци и под покривот.