Гостин во новото издание на подкастот на Педијатар.мк „Ваш педијатар“ е проф. д-р Александар Сајковски, специјалист педијатар, супспецијалист неонатолог. Проф. д-р Сајковски дава одговор на повеќе прашања поврзани со витаминот Д и неговата улога во имунитетот на децата.
Витаминот Д е клучен за здравјето на децата и возрасните, но особено важен за новороденчињата, доенчињата и малите деца. Со проф. д-р Сајковски разговараме за тоа која е улогата на витаминот Д во имунолошкиот систем на децата, зошто е важно децата да добиваат доволно од овој витамин и кои се најдобрите извори за истиот. Дискутираме и за тоа како да се обезбеди потребната доза и кога се потребни додатоци на витамин Д.
Некои од прашањата на кои одговара проф. д-р Сајковски се:
- Каква е улогата на витаминот Д во имунолошкото здравје на децата?
- Како се создава и од што зависи количината на витамин Д што ја произведува нашето тело?
- Дали кремите за сончање го блокираат производството на витамин Д во кожата?
- Кои се најдобрите извори на витамин Д?
- Од кога треба да се започне со суплементација на витамин Д и во која доза?
- Како Lactobacillus reuteri Protectis го поддржува имунитетот?
- Кои се другите последици од недостаток на витамин Д во организмот, особено кај децата?
- Кога е најпотребно да се внесува витамин Д и која е препорачаната дневна доза кај децата?
- На што треба да внимаваат родителите кога купуваат додатоци на витамин Д?
- Кои се знаците кои родителите може да ги препознаат за недостаток на витамин Д во организмот на нивните деца?
Подкастот Ваш педијатар со проф. д-р Александар Сајковски можете да го погледнете на Јутјуб каналот на Pedijatar.mk.
