Вашето дете постојано има прст во носот? Еве што науката вели за оваа лоша навика

“Оние кои тоа најчесто го прават, обично се деца со алергии. Значи, ако вашето дете постојано го чепка носот, не е лошо да го однесете на алерголошко тестирање“, вели Хејли.

Иако чепкањето и ставањето прст во носот е лоша навика, не може да се одрече дека децата не ја прават многу често. Но, постои ли вистинска причина зошто тоа го прават?

Маурин Хејли, авторка на книгата “Емоционално здраво дете“, открила дека децата чепкаат нос поради низа причини.

“Оние кои тоа најчесто го прават, обично се деца со алергии. Значи, ако вашето дете постојано го чепка носот, не е лошо да го однесете на алерголошко тестирање“, вели Хејли.

“Малите деца, но и оние постарите, го чепкаат носот бидејќи во него нешто им пречи. Често се тоа деца кои имаат проблем со алергии и кои се почувствителни на надворешните услови, како сув воздух во просторијата каде престојуваат. Децата не сфаќаат дека станува збор за социјално неприфатлива навика. Тие едноставно чувствуваат нелагодност во носот и сакаат да ја отстранат“, потенцира Хејли.

Таа вели дека постои уште една полоша работа од чепкањето нос, а тоа е јадењето на тоа што ќе го извадат.

“Децата ја јадат содржината од својот нос бидејќи им е солена или слатка“, објаснува Хејли.

Ако сакате детето да престане со таквата навика, особено во јавност таа го советува следново.

“Објаснете му дека постојат работи кои се прават во јавност и такви кои не се прават. Ако навистина му е неопходно своето прсте да го стави во нос, кажете му тоа да го направи во тоалет каде никој не го гледа. Пофалете го првиот пат кога ќе го направи тоа и секој нареде, па со тек на време ќе сфати“, појаснува Хејли, но притоа предупредува да не се заборави на хигиената.

“Погрижете се детето редовно да ги мие рацете. Чепкањето нос со валкани раце може да предизвика различни инфекции“, порачува таа.

Освен што е важно да ги научите на здрави навики, важно е да се научат и кои однесувања се социјално прифатливи. Но, не заборавајте дека тоа се само деца.