Секогаш кога станува збор за хидратација на телото, општо познатата препорака за возрасни е до осум чаши вода дневно. Не треба ни да кажуваме колку е пресудна хидратацијата за здравјето и функционирањето на човечкото тело, а истото важи и за детскиот организам.
Но, ако ние возрасните треба да пиеме до осум чаши вода дневно, кој е идеалниот внес на течности за децата? Иако бројките може да варираат, користете го ова како водич за вкупната дневна хидратација на вашето малечко, а единствените две течности што им се потребни на децата се млеко и вода.
Мали деца на возраст од 12 до 24 месеци: 1 до 4 чаши вода и 2 до 3 чаши млеко
Деца од 2 до 5 години: 1 до 5 чаши вода и 2 до 2 1/2 чаши млеко
Колку млеко треба да пие детето?
На возраст од една до две години, децата треба да пијат 2 до 3 чаши полномасно млеко секој ден. На оваа возраст им се потребни дополнителни масти во исхраната за подобар развој на телото и мозокот. Меѓутоа, ако имате семејна историја на обезност или срцеви заболувања, разговарајте со вашиот педијатар за тоа дали треба да му дадете на вашето дете млеко со намалена маснотија.
На возраст од 2 до 5 години, децата треба да пијат околу 2 до 2,5 шолји млеко дневно, а повеќето треба да се префрлат на млеко со малку или без маснотии (обезмастено). Покрај здравите масти, млекото обезбедува калциум, протеини, витамини А и Д и цинк.
Малите деца не треба да пијат алтернативно (или растително) млеко, како што се млеко од бадем, ориз, овес, бидејќи тие обично се пониски во протеини и калории од кравјото млеко.
Имајте на ум дека можете и да претерате. Децата кои пијат многу млеко може да се заситат со течности и да не изедат доволно цврста храна, со што пропуштаат важни хранливи материи како што е железото. (Млекото не содржи железо.) Недостатокот на железо може да предизвика проблеми со учењето и однесувањето, а исто така може да доведе до анемија (недостаток на црвени крвни зрнца).
Колку вода треба да пие детето?
Почнувајќи од првата година, децата треба да пијат околу 1 до 4 чаши вода секој ден. По вториот роденден, децата треба да пијат од 1 до 5 чаши вода.
Водата е најдобриот избор кога детето е жедно, особено ако му треба нешто за пиење помеѓу оброците. Не само што е подобра за желудникот и забите од сокот и другите напивки, туку со негово пиење ќе стекнете здрави навики за цел живот.
Дали е важно детето да консумира и сокови?
На децата на возраст од 1 до 3 години треба да им се ограни внесот на сокови на не повеќе од 1/2 чаша дневно, бидејќи сокот е полн со шеќер, што го зголемува ризикот од расипување на забите, а исто така консумираат премногу калории и премалку хранливи материи.
