Амарантот всушност и не е житарка. Тој не содржи глутен и е погоден за почеток на дохраната кај бебињата.
Минерали кои може да се најдат во амарантот се (по ред, од најмногу кон помалку): фосфор, калиум, магнезиум, калциум, натриум, железо и цинк. Витамини кои ги содржи се фолна киселина и витамин Е.
Претставува богат извор на белковини и се препорачува кај деца кои не сакаат или не можат да внесуваат доволна количина месо во својата секојдневна исхрана. Содржи и висок процент на аминокиселини, вклучувајќи и илизин и метионин. Лесно се вари во организмот и е нискоалерген. Структурата му е во ситни зрнца кои лесно и брзо се варат и бебињата можат да го џвакаат без проблем.
Во исхраната може да се користи варен или испукан.
Амарантот се вари 25 до 30 минути во размер: 1 шолја амарант со 2,5 – 3 шолји вода. Кај поголемите деца може да се комбинира со киноа, просо или ориз. Како комбинација со останати намирници најдобро е да се комбинира со зеленчук (варен или суров).
