До вонматерична бременост или ектопична бременост доаѓа кога оплодената јајце клетка се имплантира надвор од матката. Најчесто се случува во еден од јајцеводите. Во некои случаи може да се појави и на подрачјето на јајчникот или на грлото на матката (цервикс).
Вонматеричната бременост не може нормално да продолжи. Оплодената јајце клетка не може да преживее и околното ткиво почнува да ја уништува. Ако вонматеричната бременост не се лекува на време, го зголемува ризикот од губење голема количина крв и смрт. Раното лекување може да помогне во зголемување на веројатноста дека следната бременост ќе биде здрава и нормална.
СИМПТОМИ
На самиот почеток на вонматеричната бременост, жените многу често не чувствуваат никакви симптоми. Раните симптоми на вонматеричната бременост, всушност се многу слични на симпомите на нормалната бременост: отсуство на менструација, болки во градите и мачнини.
Вагинално крварење проследено со болки на подрачјето на абдоменот и карлицата, најчесто се првите симптоми на вонматеричната бременост. Ако крварењето доаѓа од јајцеводот, веројатно ќе почувствувате болки или лажна потреба за празнење на цревата, во зависност од тоа каде се насобрала крвта. Ако јајцеводот пукне, може да дојде до тешко крварење во стомакот.
