![merki-Kovid19 (1)](https://pedijatar.mk/wp-content/uploads/2020/12/merki-Kovid19-1-696x392.jpg)
Дали носите ракавици во продавница? Ги бришете производите откако ќе се вратите од пазарење? Ви донесуваме неколку работи кои веќе не мора да ги правите за да спречите ширење на коронавирусот
Не мора да ги бришете купените намирници
Во првиот локдаун не само што не советуваа да користиме услуги за достава, туку и да ги пребришуваме сите купени намирници. Но, сега кога се знае повеќе за преносот на вирусот, знаеме и дека не е потребно да се дезинфицира секоја кутија со крекери.
Водечкиот американски епидемиолог Ентони Фаучи првично предупредуваше дека COVID-19 може да преживее на одредени работи, но заклучи дека „шансите за тоа се многу мали“. Фаучи исто така го кажа и следново: „Мислам дека треба да трошиме помалку време грижејќи се за бришењето и миењето на секое пакување, а повеќе да се фокусираме на редовно миење на рацете“.
Не мора да носите ракавици
Во првите денови на пандемијата, одењето во продавница значеше да се облекуваме како да сме доктори кои се подготвуваат за операција. Сепак, некои заштитни мерки како оваа можат да ни се удрат од глава. „Носењето ракавици може да звучи како добра идеја да се заштитите од COVID-19, но тие всушност ни даваат лажно чувство на безбедност и можат да го зголемат ширењето на вирусот“, рече Ерика Хојт од UCF’s College of Nursing. Наместо тоа, редовно мијте ги рацете или користете средство за дезинфекција.
Не мора да правите огромни резерви на тоалетна хартија
Може да имате залиха за секој случај, но навистина нема потреба да се натрупаат тоалетни хартии како што правеа луѓето на почетокот на пандемијата. Продавниците се подготвени за побарувачката и не мора да се грижите дека залихите ќе исчезнат.
Не мора да гледате на секој пакет како да е токсичен отпад
Исто како и со намирниците, на почетокот на пандемијата, луѓето го дезинфицираа секој пакет што ќе им пристигнеше. И иако е вистина дека мали количини на вирус можат да преживеат на пакетите, нивното дезинфицирање сигурно не е нешто што дефинитивно мора да го правите.
„Бидејќи шансите за преживување на вирусот се екстремно мали, ризикот од ширење на вирусот на тој начин е мал“, наведува Американскиот центар за превенција на болести (CDC).
Не мора да се плашите дека чевлите шират COVID-19
Порано сите се плашеа дека вирусот ќе влезе дома преку обувките. Сепак, „шансите да се случи тоа се многу мали“, според Светската здравствена организација.
Па, што треба да правите?
Направете сè што можете за да спречите зараза и ширење на коронавирус: носете маска, тестирајте се ако сметате дека сте позитивни на коронавирус, држете се на дистанца, одете во продавница само за најважните работи, избегнувајте гужви (кафулиња, ресторани и домашни забави), често мијте ги рацете, дезинфицирајте ги површините кои често ги допирате, пишува „Eat This, Not That“.