Малите сипаници или морбилите се еден од најзаразните човечки вируси кој речиси целосно може да се спречи со вакцинација. Меѓутоа, потребна е 95 процентна покриеност со вакцинација за да се спречи избивање на вирусот меѓу населението.
Рекордно високи, речиси 40 милиони деца ја пропуштиле својата доза вакцина против морбили во 2021 година поради потешкотиите предизвикани од ковид пандемијата, објавија во заедничкиот извештај СЗО и Центарот за контрола и превенција на болести (ЦДЦ).
И додека случаите на мали сипаници не скокнале драматично во споредба со изминатите години, сега е време да се дејствува, изјави експертот за морбили од СЗО, Патрик О’Конор.
“Се наоѓаме на крстопат. Ќе бидат тоа многу предизвикувачки 12-24 месеци на ублажување“, додава тој.
Комбинацијата на фактори како социјалното дистанцирање и цикличната природа на морбилите објаснува зошто сè уште не е дојдено до експлозија на случаи и покрај зголемените имунолошки празнини, но тоа може брзо да се промени, потенцираше О’Конор, укажувајќи на изразено заразната природа на болест.
СЗО веќе забележа зголемување на големи разорни епидемии од почетокот на 2022 година, кои се зголемени од 19 на 30 до септември, додава О’Конор, потенцирајќи дека е особено загрижен за делови од субсахарска Африка.
