Детската кожа е исклучително чувствителна и поради тоа често знае да биде надразнета. Затоа е исклучително важно, пред да му ја облечете на детето, да ја исперете. На тој начин ќе бидете сигурни дека новата облека е чиста и заштитена од разни бактерии кои се наоѓаат на неа.
Не се плашете да ја перете бебешката облека во машина за перење. Пред да ја ставите на перење, во машината ставете малку бел оцет и исчистете ја на висока температура, за да ги елиминирате сите бактерии. Не ја преполнувајте машината за да не ја оштетите облеката, а ако имате многу мали парчиња, најдобро е да ги ставите во мрежаста вреќичка. Пред перењето задолжително проверете ја етикетата, за да видите на која температура треба да ја перете облеката.
Постојат многу причини поради кои треба одвоено да се пере вашата и облеката на бебето. На пример, облеката на возрасните е повалкана во однос на бебешката, оти возрасните повеќе се движат по разни места и се допираат до работи кои претходно ги фаќале многу луѓе. Одвоеното перење се препорачува и ако родителите работата на места каде се наоѓаат хемикалии, прашина…
Со зедничкото перење ризикувате облеката на бебето да не биде доволно добро исперена, што може да предизвика различни реакции на нежната бебешка кожа.
Ако вашето бебе има егзема или исклучително чувствителна кожа, сигурно нема да одберете многу миризливи прашаци и омекнувачи, во кои се наожаат дополнителни хемикалии, кои ќе допринесат за побрза ириитација. Од тие причини се советува одовено перење на вашата, од облеката на бебето, за да бидете сигурни дека неговата кожа ќе биде заштитена.
Најважна работа на која треба да внимавате при перење на облеката на бебето се прашакот и омекнувачот за алишта. Се препорачува користење на средства прилагодени за бебиња и деца, кои не содржат хемикалии, ни мириси и кои не предизвикуваат алергија, осип или иритација.
