Новороденчињата како да мразат кога седите, што секојдневно се докажува “прсилувајќи“ ги родителите да стојат или одат горе-доле за да ги смират. Но, зошто?
“Смирувачката реакција на детето на носењето на мајката е координирана група на средишни, моторички и срцеви одредби“, сметаат авторите на истражувањето, кои ги следеле глувците и нивните малечки. Тие заклучиле дека бебињата помали од шест месеци, кои мајките ги носат во стоечка положба, истиот момент престануваат со плачењето и покажуваат брз пад на бројот на отчукување на срцето. Иако стоењето и држењето на бебето во прегратка може да биде исцрпувачко за родителите, може да се работи за своевиден еволуциски благодат.
За новото истражуавање, научниците снимиле ЕКГ на 12 здрави бебиња и ги прашале нивните мајки да ги стават во креветче, да ги држат во прегратка додека седат и да ги носат во раце додека шетаат по соба 30 секунди.
Резултатите го потврдиле она што повеќето родители веќе го знаат – бебето е среќно кога стоите и одите, негодувајќи кога ќе седнете и очајно е кога ќе го ставите во креветче.
Покрај ова, истражувачите следеле и како брзината на отчукување на срцето кај бебето се забавува и како бебешките отчукувања на срцето стануваат поопуштени кога мајките стоеле.
“Анализите на варијабилноста на на отчукувањата на срцето покажале дека намалувањето на отчукувањето на срцето е многу поголемо за време на носењето во раце, отколку за време на самото држење во прегратка во седечка положба“, велат авторите и додаваат дека податоците упатуваат на тоа дека бебињата се поопуштени додека се носат во раце и се шета со нив отколку кога само се држат во прегратка, по своето однесување, но и физиолошки.
