Ако детето навечер или во текот на ноќта се жали на болки во нозете, голема е веројатноста да се работи за болки предизвикани од раст. Таа прободувачка болка најчесто поминува до утрото, но за детето тоа е слаба утеха, велат германските педијатри.
Ако сакате малку да му ја смирите болката, обидете се со блага масажа на листовите и бутните мускули. Педијатрите велат дека може да помогне и ставање мраз на мускулите, но и жешка купка за опуштање.
Феноменот на болки на растот, на лекарите се уште не им е во целост јасен, погодува околу една третина од децата на возраст од 3 до 12 години. Најчесто го зафаќа предниот дел на потколеницата, колената и листовите на ногата.
Истражувањата покажале дека зголемената физичка активност преку ден може да резултира со чести симптоми на болки на раст навечер, па понекогаш се препорачува и почест одмор.
Но, болките на раст не треба да се препишуваат на други проблеми. Ако детето покрај болките навечер, и се поти, се појавува отекување, има треска, ако родителите забележат промени на кожата или губат на тежина, веројатно во позадина се други причини оти се работи за симптоми кои се сметаат за атипични за болките на раст. Родителите во такви случаи треба да посетат лекар за да се исклучат останатите болести како ревматизам или бактериско воспаление.
