Иако некому тоа може да биде нелагодно, за други смешно и симпатично, за трети дури и изненадувачки, сосема е нормално бебињата од двата пола да ги допираат гениталиите кога се уште се многу мали. Ова може да започне да се случува уште на возраст од четири месеци, штом бебињата ќе стекнат контрола над нозете и, уште поважно, на рацете, па почнуваат прво да ги истражуваат своите тела. Ќе зграпчат се што ќможат да дофатат, па иако најмногу ќе страдаат ушите, носот и образите, тие често ќе ги допираат интимните делови од телото.
Бебето може да истражува на овој начин само повремено и случајно, или тоа може да се случува почесто, а можеби дури со текот на времето и намерно. Особено ако видат дека тоа ве забавува или лути. И двете опции се сосема нормални.
Се до возраст од пет-шест години, и момчињата и девојчињата можат да ги допираат своите гениталии во секое време, секаде – првично тоа е за време на менување пелени, тоа може да биде во време кога се подготвуваат за спиење, па дури и во јавност. Детето овој начин на допирање може да го смета за пријатен и утешен. Девојчињата може да ја тријат вулвата, додека на момчињата пенисот може да биде интересен и лесно достапен дел од телото кој е многу лесен за повлекување.
КАКО ДА РЕАГИРАТЕ?
Ако во одреден момент сфатите дека се наоѓате во положба на сведок на нешто што би можело да биде прв обид на мастурбација на вашето дете, како всушност да се носите со тоа? Мирно – дури и ако на некој чуден начин ви е непријатно. Обидете се да се смешкате, да не се срамите или да му зборувате на детето дека допирањето на гениталиите е лошо или погрешно. Тоа може да создаде чувство на вина што може да се прошири до зрелоста, а може да фрли непотребно превез на тајност околу сексуалноста.
Наместо тоа, оставете го бебето да истражува без никакви коментари. Оваа интересна работа можете да ја искористите дури и како можност за подучување, односно да му помогнете на детето да го запознае своето тело. За време на капењето, кажете му на детето анатомски точни имиња за сите делови од телото, вклучувајќи го пенисот и тестисите или вулвата и вагината.
Повеќето деца се откажуваат од истражување во јавност на својата интимност околу училишна возраст. Тогаш сфаќаат дека не гледаат други деца како прават нешто слично. Меѓутоа, ако детето е исклучително фокусирано на набљудување и допирање на интимните делови, можете да разговарате со педијатар, особено ако сфатите дека тоа му пречи на нормалните активности и обврски на детето.
