Зошто е важно да се препознае прераниот пубертет кој се јавува пред 8. година?

Растење на дојките, срамни или влакненца под пазувите, брз раст и акни се првите знаци дека настапува преран пубертет.

Прераниот пубертет е термин кој се користи за дете кое почнува прерано да го менува своето тело, односно пред 8 години кај девојчињата и пред 9 години кај момчињата. Пубертетот вклучува брз раст на коските и на мускулите, промени во обликот и големината на телото, и способност за репродукција на телото.

Така, раст на дојките кај девојчињата, зголемени тестиси и пенис, влакна на лицето и продлабочување на гласот кај момчињата, срамни или влакненца под пазувите, брзт раст, акни, возрасен телесен мирис… ќе бидат јасни знаци дека за почеток на пубертетот без разлика на возраста на детето.

Ризик фактори кои го зголемуваат ризикот кај детето од ран пубертет:

  • Кај девојчињата е е поголема веројатноста дека ќе се развие ран пубертет.
  • Децата кои имаат значајна прекумерна телесна тежина имаат поголем ризик од развој на ран пубертет.
  • Доаѓњето во контакт со креми или масти за естроген или тестостерон, или други нешта кои ги содржат тие хормони (како што се лекови за возрасни или диететски производи), може да го зголеми ризикот кај детето од развој на ран пубертет.
  • Здравствени проблеми (инфекции, хормонални пореметувања, тумори, проблеми со јајчниците, тестисите, надбубрежната жлезда или хипофиза, абнормланости на мозокот или повреди).

КОМПЛИКАЦИИ

Децата со ран пубертет може во почетокот брзо да растат и да бидат високи во споредба со своите врсници. Но, поради тоа што нивните коски созреваат побрзо од нормално, чести престануваат да растат порано од вообичаено, што резултира со помала висина во возрасниот период. Се јавуваат и социјални и емоционални проблеми.