Во исхраната на децата треба да се избегнуваат намирници како смоки или паштета. Зошто? Па, ако обрнете внимание на декларацијата, се ќе ви биде јасно, предупредуваат нутриционистите.
СМОКИ – Пченкарно брашно, кикирики, билна маст (палмина), брашно од соја, сол
Флипсот освен што содржи високо ниво на сол, која секако не е препорачлива за деца до една година, а и за поголемите, содржи уште и пченкарно брашно (снегулки) кои имаат висок гликемиски индекс кој поттикнува лачење на инсулин и уште од мала возраст го зголемува нивото на шеќерот во крвта, и можноста за појава на резистенција на инсулин или дијабетес тип 2, што во развиените земји е во пораст токму кај младите, поради неквалитетната исхрана од рана возраст.
Во смоките се наоѓа и кикирики кои може да бидат опасен алерген, како и палмина маст која е масло со лош квалитет. Познато е дека сојата и пченката најчесто се ГМО намриници.
Флипсот изобилува со енергија од јаглехидрати кои многу брзо го зголемуваат шеќерот во крвта и го трошат инсулинот, па по таков оброк, детето не може да се засити, оти организмот не го добил она што му е потребно и поради споменатата реакција многу брзо, тоа повторно ќе биде гладно.
ПАШТЕТА – Свинско месо 49%, вода, свинско масно ткиво, свински црн дроб, зачини, сол, модифицоран скроб, млечни белковини, згуснувач, боја, арома, конзерванс
Уште на прв поглед може да се увиди дека паштетата е преполна со додатоци за да се поправи квалитетот на избраното месо и масно ткиво, а фактот дека во паштета има околу 50% месо е важен, со оглед дека детето не добива квалитетен и целосен извот на белковини, ниту масти кои се многу важни во тој чувствителен период на растење.
