Иако знаеме дека раѓањето на дете е нешто најубаво што може да ни се случи во животот, дури 20 проценти од родителите во првиот момент кога ќе го видат, не чувствуваат посебна поврзаност со новороденчето.
Важно е да знаете дека не треба да чувствувате вина поради ова, само дајте си себе си време.
А, зошто доаѓа до ова чувство?
- Можеби не се чувствуваат како истата личност што биле
Со доаѓањето на бебето, се се менува. Сега пред се сте мајка и досегашниот стил на живот ќе го замени нешто други. На многумина, ова тешко им паѓа, некои се плашат, и сосема е разбирливо да се чувствувате чудно поради сето тоа.
- Бејби блуз
Верувајте, ова е честа појава. Голем број жени стануваат тажни по породувањето. Тоа обично трае две недели по породувањето, а доколку продолжи, тогаш сепак би требало да поразговарате и со лекар, оти може да доведе до постпородилна депресија. До ова обично доведуваат големите хормонални промени во телото.
- Под импресии сте од породувањето и опоравувањето
На некои мајки им е потребно повеќе време за опоравување. Може да бидат исцрпени, а понекогаш да дојде и до компликации.
- Може да влијае и претходна состојба
Мајките кои имаат историја на депресија, ментални болести, спонатн абортус, насилство може да имаат потешкотии истиот момент да се поврзат со бебето. Некои може да имаат и траума по породувањето. Една студија покажала дека четири проценти од жените развиваат постпородилно стресно нарушување по породувањето.
- Искуството е многу поинакво од реалноста
Мајки имаат некои свои очекувања од породувањето, но искуството може да биде поинакво од тоа. Можеби некои се разочарале што мораат да се породат со царски рез, а толку многу сакале природно породување. Сепак, единствената важна работа е дека сè е во ред со вас и бебето.
