Вртоглавицата обично се појавува како резултат на намален доток на крв во мозокот, а може да биде предизвикана и од пореметување на центарот за рамнотежа, кој се наоѓа длабоко во внатрешното уво.
Вртоглавицата може да се јави и кога детето има висока температура, но и во некои други, поретки состојби. Во овој текст станува збор најчестата варијанта на вртоглавица кај децата.
- Зошто на детето му се врти во главата по нагло станување од кревет?
Кога детето лежи, многу крв доспева во главата, а така и во мозокот, бидејќи тој се наоѓа во линија со срцето кое пумпа крв. Доколку нагло станете од кревет, доаѓа до слевање на крвта од горните делови на телото (па и главата) во долните, така што мозокот привремено останува без доволна количина на крв. Со неодоволната крв оди и недостатокот на кислород, без кој мозокот не може да работи. Затоа, тој се брани и тоа со вртоглавица, која не тера да се вратиме во хоризонтала и така да го поправиме дтокот на крв и кислород. Токму тоа, се случува и кај децата.
Оваа вртоглавица почесто се јавува кај девојчињата, но и кај оние деца кои имаат понизок крвен притисок. Ако на пример, мајката има низок притисок, постои реална можност да тоа биде случај и со ќерката.
На децата советувајте им по будење, веднаш да не рипаат од кревет да станат. Нека седнат малку, истегнат и полека да станат. Дури потоа, нека станат и нека ги извршат сите утрински активности. Во текот на денот нека внесуваат доволно течности, а препорака е да се занимаваат и со некоја спортска активност. Само така ќе се реши, потенцираат лекарите, овој не така опасен, но непријатен проблем.
