17 знаци за натпросечно интелигентни деца според МЕНСА: Дали вашето дете е мал генијалец

Постојат 17 типични однесувања кои покажуваат дека вашиот син или ќерка има коефициент на интелигенција (IQ) повисок од просечниот

Знак дека одгледувате мал генијалец може да биде и раното започнување со читање и добрата смисла за хумор
Како да знаете дали детето има натпросечна интелигенција за својата возраст?

Според меѓународната организација на луѓе кои имаат натпросечен коефициент на интелигенција – МЕНСА, постојат 17 карактеристики кои покажуваат дека вашиот син или ќерка имаат коефициент на интелигенција (IQ) повисок од просечниот.

Иако не секогаш го признаваат тоа, повеќето родители веројатно би сакале нивното дете да биде малку пред другите. И, ова не е невообичаено, бидејќи секој родител го сака најдоброто за своето дете. Но, како навистина да знаете дали детето има натпросечна интелигенција за својата возраст?

МЕНСА сподели седумнаесет типични однесувања карактеристични за надарените деца, кои се движат од одлична меморија до мал „контрол-фрик“. Друг знак дека одгледувате мал генијалец може да биде и раното започнување со читање и добрата смисла за хумор.

Еве го комплетниот список на знаци според МЕНСА:

  1. Детето има извонредна меморија;
  2. Рано ги „преминува“ интелектуалните пресвртници;
  3. Започнува да чита рано;
  4. Детето има необично хоби или интереси или има длабоко познавање на одредени теми;
  5. Детето е нетолерантно кон другите деца;
  6. Свесно е за настаните во светот;
  7. Само си поставува високи стандарди;
  8. Успешно е на училиште;
  9. Сака да поминува време со возрасни или само со себе;
  10. Детето сака да зборува;
  11. Поставува многу прашања;
  12. Учи со леснотија;
  13. Има развиена смисла за хумор;
  14. Детето е музикално;
  15. Сака да има контрола над сè што се случува околу него;
  16. Измислува дополнителни правила во игрите;
  17. Детето е екстроверт или интроверт.