Гостин во подкастот „Ваш педијатар“ е проф. д-р Александар Сајковски, специјалист педијатар, супспецијалист неонатолог, со кого зборуваме на тема породување со царски рез и улогата на пробиотиците кај бебињата кои не се родени спонтано.
Во подкастот ќе го дознаете и одговорот на прашањата кога бремените жени треба да почнат со употреба на пробиотици, кои се најадекватни и безбедни за употреба и кое е местото и улогата на пробиотиците во првите 1000 дена од животот на новороденчето
Бебињата родени со царски рез немаат можност да поминат низ мајчиниот канал за раѓање, што обично е првиот контакт со микробите на мајката. Овој процес е важен за воспоставување на рана колонизација на микробиомот кај вагинално родените бебиња. Како резултат на тоа, микробиомот на бебињата родени со царски рез може да биде помалку разновиден и може да содржи помалку корисни, добри бактерии. Разликите во микробиомот помеѓу царскиот рез и вагинално родените бебиња може да имаат различни здравствени последици, а научниците, меѓу другото утврдиле дека бебињата родени со царски рез имаат зголемен ризик од развој на алергии, астма, автоимуни болести и дебелина во споредба со оние кои се родени спонтано. Во подкастот ќе го дознаете и одговорот на прашањата кога бремената жена треба да почне со употреба на пробиотици, кои се најадекватни и безбедни за примена и кое е местото и улогата на пробиотиците во првите 1000 дена од животот на новороденчето.
Во подкастот Ваш педијатар, проф. д-р Сајковски разјаснува повеќе прашања:
- Кој е најдобриот начин на породување, имајќи предвид дека глобалните стапки на породување со царски рез со тек на годините бележат значително зголемување од околу 7 % во 1990 година до 21 % денес?
- Која е улогата на цревната флора во општото здравје на бебето, особено во раниот развој?
- Кога бремената жена треба да почне со употреба на пробиотици и кои се најадекватни и безбедни за примена?
- Кои се придобивките од употреба на Lactobacillus reuteri Protectis кај трудниците?
- На што се должат разликите во колонизацијата на цревната флора кај бебињата односно дали интестиналната флора кај новороденче родено по природен пат се разликува од онаа кај новороденче родено со царски рез?
- Кое е местото и улогата на пробиотиците во првите 1000 дена од животот на новороденчето?
- На што треба да се внимава при избор на вистинскиот пробиотик и што значи да има плус пребиотик?
- Дали е битно и зошто пробиотскиот сој да има способност да се колонизира во гастроинтестиналниот тракт (ГИТ)?
- Каков e механизмот на дејство на Lactobacillus reuteri protectis и кои се бенефитите од континуирана суплементација со Биогаиа?
- Дали децата имаат потреба од внесување на пробиотици и понатаму во животот и во која доза?
Подкастот Ваш педијатар со проф. д-р Александар Сајковски можете да го погледнете премиерно денеска во 07 часот на Јутјуб каналот на Pedijatar.mk.
