Причинител на бактериско воспаление на грло е бактеријата стрептокока од групата А.
Болеста почнува нагло, а водечки симптом е силна болка во грлото, додека општи симптоми како губење на апетитот и општа слабост се многу изразени. Ждрелото е изразито црвено со гнојни наслаги, а лимфните јазли се отечени и болни. Телесната температура е зголемена, над 39 степени.
Ако детето има такви симптоми задолжително треба да се побара лекарска помош, кој ќе препише антибиотик. Важно е при земањето на антибиотикот строго да се придржувате на упатствата, да се пијат во точно одредено време, во препишаната доза и во период што го препорачал лекарот. Не е на одмет да се напомене дека антибиотиците делуваат само на бактериите, а на вирусите немаат никаков ефект, поради што нивната примена во случај на вирусно воспаление е контраиндицирано.
Кога на лекар?
- Ако телесната температура е 39 степени или повисока
- Ако благо покачената телесна температура до 38 степени не се намалува и по една недела
- Ако лимфните јазли на вратот се зголемени и болни
- Во случај на малаксалост и ограничување на извршувањето на секојдневните оврски
- Ако е присутна болка во увото или синусите (меѓу веѓите или под очите)
- Ако болката во грлото е изразено силна, со чувство на стегање или тешко голтање
- Ако веќе постои некоја хронична болест на дишниот или имуниот систем
- Во случај на појава на осип на телото
Најважна превенција е хигиената – миење на рацете со топла вода и сапун.
